Қазақстандық банкирлердің несие дағдарысынан кейінгі бір жылды сараптауға арналған басқосуында әлемдік қаржы кризисі ислам банктерінің өтімділігіне еш әсер етпегені белгілі болды. Мұсылман елдеріндегі қаржы жүйесін зерттеген бірнеше қазақ банктері биылғы жылдың аяғына қарай шариғат жолымен жалпы жұртқа қызмет көрсетуді бастамақ.

Мамыр айында Мысырда өткен Халықаралық экономикалық форумда Елбасымыз бірлескен исламдық қаржыландыру банкін құру бойынша өзара түсіністік туралы меморандумға қол қойған болатын. Нәтижесінде «Қазына» тұрақты даму қоры (ор.) мен Qatar Islamic Bank бірлесіп бастапқы капиталы 100 млн. АҚШ доллары болатын Ислам банкін ашу жөнінде уағдаласқан (ағыл.). Оның құрылтайшылығына Qatar Islamic Bank пен қазақстандық операторлардың қоры «Kazyna Capital Management» кіреді. (ещё…)

Қазақстанда ағылшын тілі мұғалімдеріне сұраныс артып отыр. Әсіресе, ол американдық немесе британдық болса, тиісінше жалақысы да мол болмақ.

Мәселен, Қазақстанда ағылшын тілінен сабақ бергісі келетін американдық жігіт тіл үйрету үшін компаниямен айына 2 мың АҚШ долларына бара-бар келісім-шартқа қол қойған. Бұл жайлы хабар таратқан blog.esldaily.org сайты

бұрын бейбітшілік корпусында жұмыс істеген бір американдықтар айына 5 мың АҚШ долларын төлейтін компанияға ағылшын тілінің мұғалімі ретінде жұмысқа орналасқанын жазған.

Қазақтың ауылдық жердегі мұғалімдерінің жалақысы 200 АҚШ доллары көлемінде екенін ескерсек, айлық мәселесіндегі алшақтықты бұл жерден де аңғаруға болады.
Бұл туралы мына жерде де жазылыпты. (ещё…)

Шетелдіктерді мұнай мен газды, астықты экспорттауға байланысты Қазақстанның ұстанып отырған саясаты алаңдатып отыр.  Сонымен қатар Астанада жұмыс істеп, ақшасын ала алмаған түріктер өз елдеріне оралып, елшіліктерінен пана таппаған соң, Қазақстан туралы әдемі аңыздар таратып жүр.
«Қазақстанның метал мен мұнай салығына енгізетін өзгерістері әлі түсініксіз» деп аталатын www.mining-journal.com сайтындағы мақалада журналист қазақ үкіметінің қазба байлықтарына қатысты салық саясатын сын тезіне алады.

«Орталық Азиядағы қазба байлықтарына бай ел осыдан бір жыл бұрын экномикасының өзге секторын дамыту үшін энергия мен метал индустриясының салығын өсіретінін мәлімдеген. Алайда салықтың қаншаға көтерілетіні әлі де белгісіз»

дейді аталған басылымның тілшісі.
(ещё…)

Бағыты: білім; демография.
Мақсаты:
▪ тарихи отанына оралган, үздік оқитын оралман студенттердін материалдық жағдайына көмек беру, және ҚР. ЖОО-ның қатысушылары.
▪ оралман жастарды отансүйгіштікке тәрбиелеу, және оларды мемлекетіміздің ғылыми, мәдени, және қогам өміріне қатыстыру.
Оқуақы: 50 сыйақы 120 000 тенге мөлшерінде
Жалпы оқуақылық бюджет: 6 000 000 тенге (ещё…)

Назарларыңызға ұсынып отырған кезекті үнхабарды «MediaNet» Халықаралық журналистика орталығының студенттері Арай мен Гүлназ жасады. Бұл орталықта дәріс алғандар қорытынды жұмысы ретінде бір жоба жасап қорғаулары тиіс. Үнхабардағы “Сырласу клубы” атты ток-шоу радиохабарлары бұйыртса, әлі-ақ бір радионың арнайы бағдарламасына айналып кететін түрі бар тәрізді. Бүгін “MediaNet”-те жоба қорғау күні.

Гүлназ бен Арайдың алғашқы үнхабарын назарларыңызға ұсына отырып, қос құрбыға жобаларыңды сәтті қорғап, биіктен көріне беріңдер демекін.

1. Ауылда тұратын ана мен қыз арасындағы қарым-қатынасқа қарағанда қаладағы ана мен қыз арасындағы қарым-қатынас қиындау
2. Тыңдарманның сауалы: «Қызым үйден сұранбай кететін болды? Енді не істеймін?»
3. «Мама, қойшы!» - дейді де өз бөлмесіне кіріп кетеді.
4. SMS хабарламалардан келіп түскен кеңестер анасы қызының жағдайын түсініп, өзі рұқсат беруі керек дейді.

 

 Стандартты үнхабар [3:52m]: Қазір ойнат | Жандандыр | Жүкте

100 адам жинап алып келсеңiздер, сiздерге Нұрсұлтан Назарбаевтың өзi ұстаған бойтұмарымды ұстатамын.

Бұл аптада барлық блогты түгелдей қарап шықтым дей алмаймын. Алайда, негізінен футболды сүйетіндер мен сүймейтіндердің блогтарындағы жазбалар жұрттың назарын аудартқанын аңғардым. Жазғы демалыстардың есебінен болар, қазір блогосферада бір мимырттық байқалып келеді.

Бірақ Айко сияқты блогшыларымыз интернет тұрғанда демала қоймас. Себебі оның “Евро-2008 тез бітсе екен :((( “Антифутбол” атты жазбасына қарсы шабуыл жасаушылардың іштей көп болатынын аңғару оңай еді. Қазірдің өзінде жұқалап футболдың маңызын түсіндіріп жатқандар бар.

Баяғыда бір қызық болған футболды түнде беретін болса керек, бір жұмыскер кеш келіп жүрген соң срочна отпуск оформить етіп демасқа кеткен емір-еркін кайфавайт етіп көрейін деп . сосын оның буын ұзаққа дейін айтып жүретін. кейде дәлізден көріп қалып қолымнан жібермей ұстап айта бастағанда. басында қадірлі адам ғой деп тыңдайтын едім. Кейін кешріңіз мен түсінбеймін ғой, сосын маған футбол екі қойың бір-ақ сом дей бергенім сол еді… ұят-ай…. ұрсып ала жөнелді. видмо қатты қорласам керек сенің футболың кімге керек деген мағына сияқты. әкей-жәкей деп жатып ашуын әрең бастық қой.

Футбол әлеміне сүңгіп оның қызығы мен шыжығын қатар жеткізіп жүрген Нұрғисаның блогы ойын матчтарынан жасаған шолуларына толы. (ещё…)

Бір топ журналисті “Қазақстан Темір жолы” АҚ Ұлттық компаниясы Алматы-Ақтөбе бағытында жүретін қытайда жасалған пойызға отырғызып, эксперимент жасаған еді. Басты мақсат “Қытай пойыздары денсаулыққа зиянды екен” деген дақпыртты жұртқа таратқан журналистер болғандықтан, журналистердің өздеріне сол пойызға отырып, зерттеу жүргізуіне мүмкіндік беру болатын. Бұл туралы қалта телефонымнан репортаж жасап mobileblog блогыма орнатқан едім. Енді сіздерге менімен бірге саяхаттаған бір топ журналистердің пікірлерін ұсынамын. Бірден айтайын бәріміз Алматыға аман-есен оралдық.

“Түркістанның” соңғы санында Есенгүл Кәпқызы “Ғаламторды жаулау мүмкін бе?” атты мақала жариялапты. Мақалаға маусымның 24-iнде өтетін “Интернет-Альтернатива 2008″ атты халықаралық интернет конференция түрткі болғанға ұқсайды.

Мақаладағы үш мәселе менің назарымды аударды:

1. Егер, бүкiл әлем интернет жүйесiне көшiп, қағаз түрiндегi газет-журналдар жоғалатын болса, қазақ тiлiндегi өнiмдердiң хал-ахуалы тағы да мүшкiл күйге түсетiн болады. Өйткенi, күнi бүгiнге дейiн қазақ тiлiнде толыққанды интернет газет өмiрге келген жоқ.
2. Ең әуелi бiзде “kz” доменiн пайдаланушылар жоқтың қасы. Бiрнеше жекелеген компаниялар мен банктердiң, бизнес құрылымдардың, ақпарат құралдарының ғана өз домендерi бар. Ал, бүкiл халық болып пайдалануға арналған домен болмай отыр.
3. Интернетке төл жазуыңды енгiзу үшiн Microsoft компаниясына белгiлi деңгейде қаржы төлесең болғаны, сенiң тiлiң интернетте еш қиындықсыз оқылатын болады. Әзiрге бiз мұндай қадамға бара қойған жоқпыз.

Kazakhnomad ортада

Блогосфераны кезіп жүріп, қазақ даласындағы американдықтардың біз туралы не жазып жүргенін ауық-ауық қарап қоямын. Американдықтың блогшылардың көпшілігі “Бейбітшілік корпусының” қызметкерлері екенін аңғардым. Мәселен, маған Жезқазғанда өзінің қызметін абыроймен өткеріп жүрген Роберттің жазғандары ұнайды. Сонымен қатар, осында мұнай-газ компанияларында жұмыс істейтіндер де блог жүргізеді. Әрқайсысының жазатындары әр түрлі. Алдыңғы бір жазбамда “Американдық блогшылар не деп жатыр?” деп жазған да едім. Осы апта ішінде сондай блогшылардың бірі Kazakhnomad (қазақ көшпендісі)мен кездесудің сәті түсті.

(ещё…)

Кеше достарым: “Банктер арзанға машина сатып жатыр” дегенді айтқан. Сөйтсем, банктен несие алып, оны қайтара алмаған соң, кепілге қойған мүліктер сатылып жатқан көрінеді. Жалпы жұрт арасында банктен алған кредиттерін қайтармау кең етек ала бастапты. Рас өтірігін қайдам, Оңтүстік Қазақстан облысының тұтас бір ауданы “Ал не істейсіңдер. Қайтармаймыз” деп кредитті қайтармай отырған көрінеді. Арасында кейбіреулері 6 ай бойы қайтарып келгендеріне өкініп те жүр екен…

Апта басында қазақ банкирлері несие дағдарысынан кейінгі бір жылдың ішінде болған өзгерістерді талқылады. Ел ішінде банк алдындағы берешегін қайтармаушылардың саны ұлғайып бара жатқанына алаңдады.
(ещё…)