Гүлнәрдің блогын оқып отырмын. Керемет бір мақала жарияланыпты. Әсіресе мына бір тұсы ерекше әсер етті. Әсіресе қазіргідей шиеленіскен жағдайда. Назарбаев қанша дегенмен түбі Абхазия мәселесі ұшпаққа ұрындыратынын алдын ала сезген екен ғой…

Э.Шеварднадзе: Жас кезімде тың игеруге Қазақстанға екі рет барғам. Алғашқыда тың игеруге 2000 адам қатысса, кейінгісінде адам саны 6000- ға жетті. Қостанайдан Тбилисиге мотоциклмен 20 күнде жеттік. Күз енді басталған. Біз Оралдан өткен кезде күн суи бастаған еді
Сіздердің президенттеріңізді аса құрметтеймін. ТМД шеңберінде бірлесіп жұмыс істедік. Ол менен Грузияны ТМД-ның қатарына кіргізуімді сұраған. Осы ТМД мемлекеттері басшыларының кездесулерінде жылына екі рет кездесуші едік. Өзара толық түсіністікте жұмыс істедік. Ол Ельцинді абхаз мәселесін шешу жөнінде біраз үгіттеген. Каримов пен Кучма да Назарбаевтың бұл мәселе жөніндегі ұсынысын қуаттаған.
Бұрынғы астаналарыңыз Алматыда үш күндей болғам. Менің аңшыға тән айла- амалдан жұрдайлығыма қарамастан, аңға шығуға шақырған. Жаңа астаналарыңызда болып үлгірмедім. Бірақ, президенттеріңіз Астанаға келіп қайтуға шақырған. Мені Астана өте қызықтырады.

толығырақ мына жерде

Өткен жұма күні Сәкен Сейфуллин бір топ журналистермен бір мезетте шахмат ойнаймын деген. Арнайы автобус бізді Маралсай деген демалыс орнына алып келді. Сегіз жыл бойы Сеймар әлеуметтік қоры жасөспірімдер арасында шахмат турнирін өткізіп, осы спорт түрін насихаттаумен айналысып келеді екен. Сәкен Сейфуллин бір мезетте он шақты журналистпен қатар ойнап, бәрін жеңіп шықты. Бұдан басқа банк қызметкерлері арасында да турнир болды.

Інім шахматқа қызығатын болған соң, ептеп ойнайтыным бар еді. Бірақ сонша шебер емес едім. Турнирде журналистерге арнап, астаналық гросмейстер мастер класс өткізді.

Төмендегідей жайттарды түртіп алдым.

1. Ферзямен партия басында шыққан тиімді емес
2. Ойын ат немесе пілмен басталғаны жақсы. Ат жақсы. Себебі ол - шапқыншы
3. Бір ат пен бір піл үш пешкаға тең. Ладья 5 пешкаға, ал бір ферзяның құны 9 пешка екен.
4. Піл аттан мықты. Сенбесеңдер зообаққа барып байқап келіңдер.
5. Ойын алаңында аралдар неғұрлым аз болса, солғұрлым жақсы (ещё…)

Қытаймен шекаралас өлкелердің біріне тойға барған едім. Жол бойы келе жатып, мұндай әдемілікке қарап, көзім тоймады.

Екі тауды жарып салған жол бар екен. Соның ішімен жүргенде өзіңнің қаншалықты кішкентай да, әлсіз екеніңді ойлайды екенсің

Осынша кереметті жаратқан Аллаһтың құдіретіне еріксіз мойынсұнасың

Грузиядағы соғыстан соң, Қазақстанның атауы экономикалық хабарларда жиі аталғанын жоғарыда айттық.  Мартин Хутчинсонның «Іштегі қауіп» атты мақаласында Грузиядағы соғыстан соң, жер-жерде бизнес жасауға қауіпті аймақтардың пайда бола бастағанын жазып, арасына Қазақстанды да қосыпты.

«Егер сіздің бизнесіңіз Қазақстанмен байланысты болмаса, өзіңізді бақыттымен деп санаңыз», – депті Мартин.

«Қазақстан Батыс инвесторларына арқасын берді. Себебі ол агрессор Ресейдің жағына шықты. Eni S.pA. тәрізді Италия компаниялар Қазақстанның қоршаған ортасына ақша инвестициялау арқылы қиындықтарға тап болуда, тіпті таяу уақытта олар өздерінің ақшасын өздері ақтай алмай қалса да таңданудың қажеті жоқ», – депті The moneymorning сайты. (ещё…)

«The Wall Street Journal» басылымының қызметкері өткен аптадағы өзінің мақаласында Қазақстанның Ресеймен экономикалық байланыстарының нығая түскеніне  баса мән берген.

«Кеңес Одағының бұрынғы елдері қаласа да, қаламаса да бұл жанжалға қатысты болып қалды. Қазақстан, мәселен, үнсіз қалып, өзінің танкерлерін Грузия портынан бұрып әкетті. Батыстың Қазақстанға тікелей құйған инвестициялары 2007 жылы 17 млн. АҚШ долларын құраған. Алайда қазір қазақ үкіметі сырттағы қаржыдан мейлінше тәуелсіз болуға талпынуда»,

– депті.
Қазақстан экономикасына қазба байлықтары есебінен қан жүріп тұр десек, бұл игіліктің барлығы қазір шетелдіктердің меншігінде. Қазақ үкіметі әу бастан-ақ кеніштерді игеруді соларға табыстаған. Сондықтан да батыс инвесторларының қазіргі мінез-құлқы қазақ экономикасына ауыр соққы болып тиюі мүмкін. (ещё…)

Грузиядағы соғыс әлемді екіге бөліп тастады. Ресейліктердің ұрыстағы әрекет-қиымылын сараптаған шетелдік басылымдар Қазақстаның да ұстанымын беріп отырды. Бұл түсінікті ғой. Себебі Грузиядағы соғысқа Вашингтондағы Ақ үйдің дем беруі Каспий қайраңында мұнайдан ақша жасап жүрген американдықтардың «үрейін» тудырды.

Шындығында шетелдіктерді Баку-Тбилиси-Джейхан құбырының келешегі алаңдатады. Осы құбыр Ресейдің ықпалынсыз Каспийдегі мұнай мен газды Батыс әлеміне тасымалдауға мүмкіндік беретін. Егер соғысты сылтау қылып Ресей осы құбырды басып алатын болса, Еуропа мен Америка «қылқынып» қалатыны түсінікті. The Townhall газетінің шолушысы осыған қатысты өз ойын былай жеткізеді:

«Грузия финландизациялау арқылы Ресей Баку-Тбилиси-Джейхан мұнай құбырын өз бақылауына алады. Бұл еуропалықтарды Ресейдің қатысуынсыз Каспиймен байланыстырып отырған жалғыз жол. Бұл құбырлар энергия экспорттайтын Қазақстан мен Әзірбайжан секілді бұрынғы Кеңес Одағы елдері үшін де аса маңызды. Мәскеу уақыт өте келе Каспий бассейінінің қожайынына айналғысы келеді»,

– депті.

Сөзсіз, Қазақстанның мұнай-газ экспорты саясатында бұл құбырдың алар орны ерекше. Болашаққа бағытталған көптеген ірі-ірі жобалардың тағдыры осы құбырға тіреліп тұр. Сондықтан да шетелдік сарапшылар Грузияға қатысты оқиғада Қазақстанның Ресеймен ынтымақтаса түсуін жақсылыққа балап отырған жоқ.

Өткен аптадағы қазақ президентінің Моңғолия мен Қытайға жасаған сапары шетелдік басылым беттерінде де талданды. Моңғолиядағы игерілмей жатқан кеніштерге деген талас дәл қазір АҚШ пен Ресей арасында жүріп жатқаны анық. Осы тұтса қазақ басшысының Моңғолия сапар жасауының астарында да үлкен гәп бар деп санаған шетелдік журналистер өз жормалдарын ұсынуда.

Мәсене, eurasia.net сайты

«Әлемді шарпыған қаржы дауылы қазақ бизнесмендерін де есеңгіретіп тастады. Сондықтан қазақ іскерлері қазір тың нарыққа түрен салуға дайын тұр»,

– дейді Джулиана Лиллис.
Шетелдік сарапшылар Қазақстан Моңғолияға тізесін батыру үшін Шанхай Ынтымақтастық Ұйымына мүше екендігін есіне түсіруі мүмкін дейді. (ещё…)

Қазақстан қазір мұнай мен газды игерудегі бәсекелестік қызу жүріп жатыр. Шетелдік инвесторларды дәл қазір әлемдегі қаржы дағдарысы алаңдатып отырған жоқ. Қазақ экономикасына қазір кім бірінші келсе, сол ұтады деген қағидамен жұмыс істеуде.

Қазақстандағы ішкі экономикалық қиындықтарға қарамастан Араб әлемінен инвестордың қалың шоғыры қазақ нарқына қарай келе жатыр. «Ka$hakhstan» деп аталатын мақаланың авторы Араб бизнесі сайтында Эндрью Уайт Қазақстанды осыдан он жыл бұрынғы Дубаймен салыстырыпты.

«Адамдар Қазақстан осыдан он жыл бұрынғы Дубай сияқты деп айтуда. Бұл өз кезегінде рас та шығар. Бірақ Қазақстан осы қарқынмен дамитын болса, Дубай шыққан биікке бес жылда да көтеріле алады»

дейді әлгі мақалада шетелден келіп жатқан инвестор Восгиорукиан.

Солтүстік Кавказда бүлік басталған күні Бейжіңде «Бір арман – бір әлем» деген ұранмен олимпиада алауы жағылған еді. Бейбітшілік алауы мен соғыс отының қатар тұтануы ғаламдасу заманында ізгілік ұғымының құнсызданып бара жатқанын анық көрсетті.

Дүниежүзілік саясатта бейбіт өмірді жақтаушы президент имиджін қалыптастыра білген Нұрсұлтан Назарбаев Бейжіңдегі сапарында сыралғы досы Путинмен кездесіп, соғыстың жай-жапсарын талқылады.

Ақорда қай тарапты қолдайтынын анық көрсетпесе де, стратегиялық досы Ресейдің амал-әрекетін іштей құп көріп отырғанын аңғартты. ТМД кеңістігіндегі өзге елдермен салыстырғанда Қазақстан Гүржістан-Осетия жағдайының шиеленіскенін қаламады. Себебі таразының бір басында көрші ақысы тұрса, екінші басында Қазақстанның Гүржістандағы экономикалық мүдделері жатыр.

Ресей мен Қазақстан – аймақтағы тұрақтылыққа жауап беретін іргелі ұйымдардың ұйытқы күші. Жылдар бойы қалыптасқан саяси достыққа сызат түсуіне Мәскеу де Астана да мүдделі емес. (ещё…)

«Алдағы күз айында Қазақстанда палау қымбаттауы мүмкін», – деп хабарлайды Көкөністер мен жеміс-жиедктердің нарықтағы кұнын сараптайтын lol.org.ua сайты. Оңтүстік Қазақстан облысында егістік алқаптардағы дағдарысқа байланысты сәбіз өнімі азайды.

Есесіне қияр мен қызанақ жақсы жеміс берген. Шетелдіктерді қазақтар сәбізді корей салаты мен палауда жиі қолданатынын аңғара отырып, қыс айларында сәбіз импорттауы мүмкін деген жорамал жасауға болады. Қалай десек те осы уақытқа дейін бағасы арзан болатын сәбіздің құны аспандап кетпек. (ещё…)